நடிகர் கமல்ஹாசன் வெளியிட்டுள்ள கட்சிக்கொடியின் லோகோவை பாஜக தேசியச் செயலாளர் ஹெச்.ராஜா கிண்டல் செய்துள்ளார்.
மதுரையில் நேற்று நடைபெற்ற முதல் அரசியல் மாநாட்டில் கமல்ஹாசன் அவரது கட்சிக் கொடியை ஏற்றினார். அத்துடன் கட்சிப் பெயரையும் அறிவித்தார். கட்சிப் பெயர் “மக்கள் நீதி மய்யம்”. அவரது கொடி வெள்ளை நிறத்தில், 6 இணைந்த கைகளுடன் வடிவமைக்கப்பட்டிருந்தது. 3 கைகள் வெள்ளை நிறத்திலும், 3 கைகள் சிவப்பு நிறத்திலும் உள்ளது. அதற்குள் வெள்ளை நட்சத்திரத்தை சுற்றி கருப்பு நிற வளையம் இருப்பதாக வடிவமைக்கப்பட்டுள்ளது.
இதுதொடர்பாக சமூக வலைத்தளங்களில் பல விமர்சனங்கள் எழுந்துள்ளன. அத்துடன் கமல்ஹாசன் கட்சியையும், கொடியையும் மீம்ஸ்கள் மூலம் நெட்டிசன்கள் வைரலாக்கியுள்ளனர்.
இதுதொடர்பாக ட்விட்டரில் பதிவிட்டுள்ள ஹெச்.ராஜா, ஏக் பாரத் ஸ்ரேஷ்ட் பாரத்தின் லோகோவை திருப்பிப் போட்டால் மநீம(மக்கள் நீதி மய்யம்) என்று குறிப்பிட்டு கிண்டல் செய்துள்ளார்.
