பாஜகவில் அறிவிக்கப்படாமல் இருந்த 3 தொகுதிகளுக்கு வேட்பாளர்கள் அறிவிக்கப்பட்டுள்ளனர்.
தமிழகத்தில் அடுத்த மாதம் 6 ஆம் தேதி தேர்தல் நடைபெறும் நிலையில், வேட்பு மனுத்தாக்கல் நாளை மறுநாள் நிறைவடைகிறது. அதிமுக கூட்டணியில் இடம்பெற்றுள்ள பாஜகவுக்கு 20 தொகுதிகள் ஒதுக்கப்பட்டுள்ள நிலையில், 17 இடங்களுக்கு மட்டும் வேட்பாளர்கள் அறிவிக்கப்பட்டிருந்தனர். விளவங்கோடு, தளி, உதகை ஆகிய 3 தொகுதிகளுக்கு வேட்பாளர் அறிவிக்கப்படாமல் இருந்தது.
விளவங்கோடு எம்.எல்.ஏ.வாக இருக்கும் விஜயதரணிக்கு காங்கிரஸ் கட்சிக்கு வாய்ப்பு அளிக்காது என்றும், அவர் பாஜகவில் சேருவார் என்றும் தகவல் பரவியது. இதன் காரணமாகவே விளவங்கோடு தொகுதிக்கு பாஜக வேட்பாளரை அறிவிக்காமல் இருந்ததாகவும் கூறப்பட்டது. இதைத்தொடர்ந்து விளவங்கோடு தொகுதியில் விஜயதரணிக்கு காங்கிரஸ் மீண்டும் வாய்ப்பு வழங்கியுள்ளது.
இந்நிலையில், பாஜகவில் அறிவிக்கப்படாமல் இருந்த 3 தொகுதிகளுக்கு வேட்பாளர்கள் அறிவிக்கப்பட்டுள்ளனர்.
தளி - நாகேஷ்குமார்
உதகை - போஜராஜன்
விளவங்கோடு - ஆர்.ஜெயசீலன்
