உணவு, உடை, இருப்பிடத்திற்கு அடுத்தபடியாக மனிதனின் அத்தியாவசிய தேவையாக ஸ்மார்ட்ஃபோன்கள் மாறியுள்ளன. தற்போது அதில் அடுத்தகட்ட வளர்ச்சியாக இ-சிம் சேவையை ரிலையன்ஸ், ஏர்டெல், வோடாஃபோன் ஐடியா ஆகிய நிறுவனங்கள் இந்தியாவில் அறிமுகப்படுத்தியுள்ளன.
தற்போது ஸ்மார்ட்ஃபோனில் உள்ள சிம் கார்டுகள் வன்பொருள் வடிவில் உள்ளன. ஆனால் அதை ஸ்மார்ட்ஃபோன்களின் மதர் போர்டிலேயே மென்பொருள் வடிவில் பொருத்துவதே இ சிம் தொழில்நுட்பமாகும்.
எம்பெடட் சிம் என்பதன் சுருக்கமே இ சிம் எனப்படுகிறது. அந்தந்த தொலைபேசி நிறுவன சேவை மையங்களை அணுகுவது மூலம் ஒருவர் சாதாரண சிம்மிலிருந்து இ சிம்மிற்கு மாற்றிக்கொள்ள இயலும்.
இ சிம் வைத்திருப்பவர்கள் ஒரு நிறுவனத்தின் சேவையிலிருந்து மற்றொரு நிறுவன சேவைக்கு மாறுவது மிகவும் எளிதாகும் என கூறப்படுகிறது. இ சிம் உள்ள ஸ்மார்ட்ஃபோனை கையில் கட்டியுள்ள ஸ்மார்ட் வாட்சுடன் இணைக்க முடியும். எனவே செல்லும் இடமெல்லாம் ஸ்மார்ட்ஃபோனை எடுத்துச்செல்லவேண்டியதில்லை. இதோடு ஒரே ஒரு ஸ்மார்ட்ஃபோனில் ஒன்றுக்கு மேற்பட்ட மொபைல் ஃபோன் எண்களை பயன்படுத்திக்கொள்ள முடியும் என்பதும் இதன் சிறப்பாகும்.
இதுதவிர ஸ்மார்ட்ஃபோன் திருடுப்போனாலும் சிம் கார்டை தனியே எடுக்கமுடியாது. இதனால் திருடப்பட்ட ஸ்மார்ட்ஃபோன்களை தொழில்நுட்ப ரீதியாக பின்தொடர்ந்து அதை மீட்பதும் மிகவும் எளிதாக இருக்கும் எனக் கூறப்படுகிறது. இ சிம் வசதியை பயன்படுத்திக்கொள்ளுமாறு ஏர்டெல் நிறுவன வாடிக்கையாளர்களுக்கு அதன் தலைமை செயல் அதிகாரி கோபால் விட்டல் மின்னஞ்சலையும் அனுப்பிவருகிறார். கூறப்படுகிறது.
இ சிம் வசதியை பெறுவதற்கு தற்போதைக்கு அதிக செலவானாலும் வருங்காலங்களில் இது கணிசமாக குறையும் எனக் கூறப்படுகிறது.
