சாம்சங் தனது அடுத்த மாடலை இந்தியாவில் அறிமுகம் செய்துள்ளது. Samsung Galaxy M12 மாடல் இன்று இந்தியாவில் அறிமுகமானது. பட்ஜெட் போனாக ரசிகர்களை கவரும் விதமாக இந்த மாடல் அறிமுகமாகியுள்ளது. இதே மாடல் போன் வியட்னாமில் ஏற்கெனவே வெளியாகி வரவேற்பை பெற்றுள்ளது.
6.50 இன்ச் டிஸ்பிளே கொண்டதாக இந்த மாடல் உள்ளது. 8 மெகா பிக்ஸல் முன்பக்க கேமரா, 48+5+2+2 என மெகாபிக்ஸல் கொண்ட 4 வகையான கேமராக்களை கொண்டுள்ளது. 6000mAh பேட்டரி கெபாசிட்டி, 720x1600 pixels ரெசொலேசன், ஆண்ட்ராய்ட் ஓஎஸ் என பட்ஜெட் போனுக்கான சிறப்பம்சங்களை கொண்டுள்ளது Samsung Galaxy M12. 3 வண்ணங்களில் இந்த போன் சந்தைக்கு வந்துள்ளது.
இந்த மாடலின் விலை ரேம் மற்றும் ஸ்டோரேஜுக்கு ஏற்ப மாறுகிறது. 4GB + 64GB மாடலானது ரூ.10,999க்கும், 6GB + 128GB மாடலானது ரூ.13,499க்கும் விற்பனையாகவுள்ளது. அமேசான் மற்றும் சாம்சங் தளங்களில் இந்த மாடல் விற்பனைக்கு வருகிறது.
