ரிலையன்ஸ் ஜியோ நிறுவனம் வாடிக்கையாளர்களைக் கவர கூடுதலாக 10ஜிபி டேட்டா ஆஃபரை அறிவித்துள்ளது.
இலவச 4ஜி டேட்டா, அன் லிமிட்டட் வாய்ஸ் மற்றும் வீடியோ கால்ஸ் என பல சலுகைகளை அள்ளி தெளித்து புரட்சி செய்து கொண்டிருக்கும் ஜியோ கடந்த ஏப்ரல் மாதம் முதல் இலவசங்களை நிறுத்திவிட்டு, கட்டண சேவையைத் தொடங்கியது.
இதனையடுத்து ஜியோ நிறுவனம் ஜியோ ப்ரைம் உறுப்பினர் என்ற புதிய திட்டத்தை தொடங்கி குறைந்த கட்டணத்தில் இலவச சலுகையை அளித்துள்ளது. இந்நிலையில், தற்போது புதிய வாடிக்கையாளர்களை தன் வசபடுத்த அசூஸ் மொபைல் போன் வாங்கும் வாடிக்கையாளர்களைக் குறிவைத்து 10GB கூடுதல் டேட்டா ஆஃபரை அறிவித்துள்ளது. Asus ZenFone Selfie, Asus ZenFone Max, Asus ZenFone Live, Asus ZenFone Go 4.5, Asus ZenFone Go 5.0, மற்றும் Asus ZenFone Go 5.5 ஆகிய மாடல் மொபைல்களை வாங்கினால் இந்த சலுகையைப் பெற முடியும்.
இவற்றில் ஏதேனும் ஒரு மொபைல் வாங்கியதும் ஜியோ சிம் கார்டு வாங்கி, ஜியோ ப்ரைம் உறுப்பினராக இணைய வேண்டும். பின், 309 ரூபாய் செலுத்தினால், தினசரி 1GB டேட்டா கிடைக்கும். இந்த மொபைலை வாங்கிய ப்ரைம் உறுப்பினர்களுக்கு இத்துடன் 10GB கூடுதல் டேட்டா ஜியோ வழங்குகிறது. இந்த கூடுதல் டேட்டாவுக்கு வேலிடிட்டி மார்ச் 31, 2018 வரை என ஜியோ அறிவித்துள்ளது.
