நோக்கியா ஸ்மார்ட்ஃபோன் வாடிக்கையாளர்களுக்கு வோடஃபோன் நிறுவனம் கூடுதல் இலவச டேட்டா சலுகைகளை வழங்கியுள்ளது.
ஹெச்.எம்.டி குளோபல் நிறுவனம், கடந்த சில நாட்களுக்கு முன்பு நோக்கியா 3, நோக்கியா 5 மற்றும் நோக்கியா 6 ஆகிய மூன்று ஸ்மார்ட்ஃபோன்களை வெளியிட்டது. இந்நிலையில், இந்த வகை ஸ்மார்ட்போன்களை வாங்குவோருக்கு கூடுதலாக இலவச டேட்டா வழங்குவதாக வோடஃபோன் நிறுவனம் அறிவித்துள்ளது.
அதாவது, நோக்கியா 3 மற்றும் நோக்கியா 5 ஸ்மார்ட்ஃபோன் வாடிக்கையாளர்கள் 142 ரூபாய்க்கு ரீசார்ஜ் செய்து 1 ஜிபி டேட்டாவை பெறும்போது, 3 மாதங்களுக்கு 5ஜிபி 3ஜி, 4ஜி அளவு டேட்டாவும், நோக்கியா 6 வாடிக்கையாளர்கள் 251 ரூபாய்க்கு ரீசார்ஜ் செய்வதன் மூலம் 10 ஜிபி கூடுதல் டேட்டாவும் இலவசமாக வழங்கப்படுகிறது. இந்த இலவச டேட்டா சேவை 1ஜிபி டேட்டா திட்டம் உபயோகிக்கும் போஸ்ட்பேயிட் வாடிக்கையாளர்களுக்கும் வழங்கப்படுகிறது.
