மோட்டரோலா நிறுவனத்தின் புதிய பட்ஜெட் ஸ்மார்ட் போன்கள் இம்மாதம் இறுதிக்குள் வெளியாகும் என அறிவிக்கப்பட்டுள்ளது.
மோட்டரோலா போன்களுக்கு என்று உலகளவில் தனி ரசிகர்கள் உள்ளனர். சமீபத்தில் அமெரிக்காவில் வெளியான மோட்டோ E4 மற்றும் E4 ப்ளஸ் பெரும் வரவேற்பை பெற்றன. இந்நிலையில் இந்த பட்ஜெட் போன்களை இந்தியாவில் இம்மாதம் இறுதிக்குள் வெளியிட மோட்டோ நிறுவனம் ஆர்வம் காட்டி வருகிறது. பேட்டரி பேக்-அப், ஒளித்திரை மற்றும் கேமிரா வசதிகள் இந்த செல்போன்களில் மேம்படுத்தப்பட்டுள்ளதாக தெரிவிக்கப்பட்டுள்ளது. கடந்த ஆண்டு வெளியான மோட்டோ E3 மற்றும் E3 பவர் செல்போன்களிலிருந்த பிரச்சனைகள் களையப்பட்டு இந்த புதிய பட்ஜெட் போன்கள் உருவாக்கப்பட்டுள்ளதாக மோட்டோ நிறுவனம் தெரிவித்துள்ளது. இந்த செல்போன்கள் இம்மாதம் 22ம் தேதி முதல் அமேசான் ஈ-ஷாப்பிங் இணையதளத்தில் கிடைக்கும் எனவும் எதிர்ப்பார்க்கப்படுகிறது. E4 மொபைலின் விலை ரூ.8,400 என்றும் E4 ப்ளஸ் மொபைலின் விலை ரூ.11,600 ஆகவும் நிர்ணயிக்கப்பட்டுள்ளது.
