இந்திய விண்வெளி ஆராய்ச்சி மையத்தின் மைல் கல்லாக எதிர்பார்க்கப்படும் சந்திரயான்-3 எனப்படும் நிலவை ஆய்வு செய்யும் செயற்கைக்கோள் ரூ. 615 கோடி செலவில் உருவாக்கப்பட்டுள்ளது.
இந்த செயற்கைக்கோள், ஆந்திர மாநிலம் திருப்பதி மாவட்டம் ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் இருந்து நாளை பிற்பகல் 2:35 மணிக்கு மார்க்-III ஏவுகணை வாகனம் மூலம் ஏவப்பட்ட உள்ளது.
இந்த நிலையில் இன்று திருப்பதி சென்ற இஸ்ரோ விஞ்ஞானிகள், சந்திரயான்-3 விண்கலத்தின் சிறிய மாதிரியுடன் சாமி தரிசனம் செய்தனர். இஸ்ரோ குழுவில் உள்ள சந்திரயான் 3 இயக்குனர்கள் ஏ.கே. பத்ரா, வீரமுத்துவேல், கல்பனா ஆகியோர் இந்த தரிசனத்தை மேற்கொண்டனர்.
சந்திராயன் - 3, நிச்சயம் வெற்றியடையும் என்று இஸ்ரோ விஞ்ஞானிகள் நம்பிக்கை தெரிவித்துள்ளனர்.
