ஜேம்ஸ் வெப் தொலைநோக்கி மூலம் 2022-ல் எடுக்கப்பட்டு, நாசாவால் பகிரப்பட்ட 10 சிறந்த படங்களின் தொகுப்பை இங்கே உங்களுக்காக பட்டியலிட்டிருக்கிறோம். பார்க்கும்போதே பரவசமூட்டும் அந்த புகைப்படங்களின் அசத்தலான தொகுப்பை இங்கே கண்டுகளியுங்கள்!
1. ஜூலை 12, 2022: பூமியிலிருந்து சுமார் 1,59,800 ஒளி ஆண்டுகள் தொலைவில் உள்ள டரான்டுலா நெபுலாவின் (Tarantula nebula) அதிர்ச்சியும் ஆச்சர்யமும் கொடுக்கும் கீழ்க்காணும் இந்த புகைப்படம் ஜேம்ஸ் வெப் டெலஸ்கோப் மூலம் பிடிக்கப்பட்டது.
2. அக்டோபர் 21, 2022 : பில்லர் ஃப் கிரியஸனின் (Pillar of creation) புகைப்படமொன்று, ஏற்கெனவே ஹம்பல் (Humble) தொலைநோக்கி மூலம் பிரபலமாகியிருந்தது. ஆனால் ஜேம்ஸ் வெப் அதை அற்புதமான முறையில் படம்பிடித்தது. இதோ அந்த அரிய புகைப்படம்:
3. ஜூலை 11 திங்கட்கிழமை வெள்ளை மாளிகை நிகழ்வின் போது வெப்ஸ் ஃபர்ஸ்ட் டீப் ஃபீல்ட் (Webb's First Deep Field) என அழைக்கப்படும் கேலக்ஸி கிளஸ்டர் SMACS 0723 இன் படத்தை ஜனாதிபதி ஜோ பிடன் வெளியிட்டார். அப்புகைப்படம் இதோ:
4. Oct. 12, 2022: நாசாவின் ஜேம்ஸ் வெப் விண்வெளி தொலைநோக்கியின் கீழ்க்காணும் படம், ஒன்றையொன்று சுற்றி வரும் ஒரு ஜோடி நட்சத்திரங்களிலிருந்து வெளிவரும் குறைந்தபட்சம் 17 செறிவான தூசி வளையங்களை வெளிப்படுத்துகிறது. பூமியிலிருந்து 5,000 ஒளியாண்டுகள் தொலைவில் அமைந்துள்ள இந்த அமைப்பு வுல்ஃப்-ரேயட் 140 (Wolf-Rayet 140) என அழைக்கப்படுகிறது. ஏனெனில் நட்சத்திரங்களில் ஒன்று ஓநாய்-ரேயட் நட்சத்திரம்.
5. ஜூலை 12, 2022: கீழ்க்காணும் இந்த புகைப்படம் மூலம் விண்மீன் குழுவான "ஸ்டீபனின் குயின்டெட்" (Stephen's Quintet) பற்றிய இதுவரை கண்டிராத விவரங்கள் வெளியானது. ஸ்டீபனின் குயின்டெட்டின் அருகாமையில், வானியலாளர்கள் விண்மீன் இணைப்புகள், தொடர்புகளுக்கு ஒரு வளைய இருக்கையை உருவாக்கியுள்ளனர்.
6. ஆகஸ்ட் 22, 2022: நாசா வெளியிட்ட கீழ்க்காணும் புகைப்படம் சூரிய குடும்பத்தின் மிகப்பெரிய கோலினை மிகவும் அழகாகவும் மேலும் நேர்தியாகவும் காட்டியது.
7. ஜூலை 12, 2022: நாசாவின் ஜேம்ஸ் வெப் விண்வெளி தொலைநோக்கி கரினா நெபுலாவில் (Carina Neubula), வளர்ந்து வரும் நட்சத்திர நர்சரிகள் மற்றும் முன்னர் மறைக்கப்பட்ட தனிப்பட்ட நட்சத்திரங்களை வெளிப்படுத்தியது கீழ்க்காணும் "காஸ்மிக் க்ளிஃப்ஸ்" படங்கள். இவை நட்சத்திரங்கள் எவ்வாறு உருவாகின்றன என்பதை புதிய வெளிச்சம் போட்டு, அண்ட தூசியை உற்றுப் பார்க்கும் வெப்பின் கேமராக்களின் திறன்களைக் காட்டின.
8. ஆகஸ்ட் 2, 2022: கீழ்க்காணும் கார்ட்வீல் கேலக்ஸி, சுமார் 500 மில்லியன் ஒளி ஆண்டுகள் தொலைவில் கார்ட்வீல் விண்மீன் தொகுப்பில் (Cartwheel galaxy) அமைந்துள்ளது. ஒரு வேகனின் சக்கரத்தைப் போலவே அதன் தோற்றமும் ஒரு தீவிர நிகழ்வின் விளைவாகும். ஒரு பெரிய சுழல் விண்மீன் மற்றும் ஒரு சிறிய விண்மீன் இடையே அதிவேக மோதல் ஆகியுள்ளது.
9. நவம்பர் 16, 2022: கீழ்க்காணும் புகைப்படத்திலுள்ள டாரஸ் நட்சத்திர உருவாக்க பகுதியின் (taures star forming region) உள்ளே இருக்கும் இந்த எரியும் மேகங்கள், அகச்சிவப்பு ஒளியில் மட்டுமே தெரியுமாம்!
10. ஜூலை 14, 2022: NGC 3132 என பட்டியலிடப்பட்ட தெற்கு ரிங் நெபுலா ஒரு கிரக நெபுலா. இது பூமியிலிருந்து 2,500 ஒளி ஆண்டுகள் தொலைவில் இறக்கும் சூரியனைப் போன்ற நட்சத்திரத்தின் மரண கவசமாகும்.
- சுஹைல் பாஷா
