செய்தியாளர்: ரா.மணிகண்டன்
ஈரோடு மாவட்டம் பவானி மோட்டார் வாகன ஆய்வாளர் அலுவலகம் அருகில் ஈரோடு - பவானி - மேட்டூர் பிரதான சாலை உள்ளது. இந்த சாலையில், பள்ளி மற்றும் கல்லூரி வாகனங்கள் போட்டி போட்டுக் கொண்டு சென்றுள்ளன. இது தொடர்பான சிசிடிவி காட்சிகள் தற்போது சமூக வலைதளங்களில் வைரலாகி வருகிறது.
கல்லூரி மற்றும் பள்ளி பேருந்து ஓட்டுநர்களின் இத்தகைய செயல், பெற்றோர்கள் மற்றும் பொதுமக்கள் மத்தியில் அச்சத்தையும் அதிர்ச்சியையும் ஏற்படுத்தியுள்ளது.
மேலும் பள்ளி மற்றும் கல்லூரி மாணவர்களின் உயிரோடு விளையாடும் ஓட்டுநர்கள் மீது உரிய நடவடிக்கை எடுக்க வேண்டும் என்ற கோரிக்கையும் எழுந்துள்ளது.
