வேலூர் மக்களவைத் தேர்தலில் அதிமுகவின் ஏ.சி.சண்முகம் முன்னிலை வகித்து வருகிறார்.
வேலூர் மக்களவைத் தொகுதிக்கு கடந்த 5ஆம் தேதி தேர்தல் நடைபெற்றது. வாக்குப்பதிவுக்கு பயன்படுத்தப்பட்ட இயந்திரங்கள் ராணிப்பேட்டையில் உள்ள தனியார் பொறியியல் கல்லூரியில் வைக்கப்பட்டுள்ளன.
இந்நிலையில் தற்போது அங்கு வாக்கு எண்ணிக்கை தொடங்கியுள்ளது. 6 சட்டமன்றத் தொகுதிகளில் வாக்கு எண்ணிக்கை தொடங்கி நடைபெற்று வருகிறது. 6 அறைகளில் தலா 14 மேசைகள் போடப்பட்டு வாக்குகள் எண்ணப்பட்டு வருகின்றன.
ஏ.சி.சண்முகம், கதிர் ஆணந்த், தீபலட்சுமி உள்ளிட்ட 28 வேட்பாளர்களுக்கு பதிவான வாக்குகள் எண்ணப்படுகின்றன. இதில், அதிமுகவின் ஏ.சி.சண்முகம் 21449 வாக்குகள் பெற்று முன்னிலை வகித்து வருகிறார். திமுகவின் கதிர் ஆனந்த் 20623 வாக்குகள் பெற்று பின்னடைவை சந்தித்துள்ளார். 826 வாக்கு வித்தியாசத்தில் அதிமுக முன்னிலையில் உள்ளது.
