முதலமைச்சர் பழனிசாமி அறிவித்தபடி வைகை அணையிலிருந்து வினாடிக்கு 900 கன அடி வீதம் தண்ணீர் திறக்கப்பட்டுள்ளது.
வைகை அணையிலிருந்து ஒருபோக சாகுபடிக்கு தண்ணீர் திறந்துவிட வேண்டும் என கூறிக் மதுரை மாவட்டம் மேலூர் பகுதியைச் சேர்ந்த விவசாயிகள் நேற்று மதுரை-திருச்சி 4 வழிச் சாலையில் கிட்டத்தட்ட 5 மணி நேரத்திற்கு மேலாக மறியல் போராட்டத்தில் ஈடுபட்டார்கள். இதனால் அந்த பகுதியில் போக்குவரத்து முழுமையாக ஸ்தம்பித்தது. தங்களுக்கு தண்ணீர் விடாமல் இந்த மறியல் போராட்டத்தை கைவிடமாட்டோம் என திட்டவட்டமாக அவர்கள் தெரிவித்தனர். இதனையடுத்து வைகை அணையிலிருந்து வரும் 27-ம் தேதி வரை 7 நாள்களுக்கு தண்ணீர் திறக்கப்படுமென முதலமைச்சர் பழனிசாமி நேற்று அறிவித்திருந்தார்.
முதலமைச்சர் அறிவித்தபடி வைகை அணையிலிருந்து வினாடிக்கு 900 கன அடி வீதம் இன்று காலை முதல் தண்ணீர் திறக்கப்பட்டுள்ளது.
