செய்தியாளர்: சுரேஷ்குமார்
திருப்பூர் எஸ்ஆர். நகர் பின்புறம் உள்ள கைசார் கார்டன் பகுதியில் நவீன துப்பாக்கியால் பறவைகளை வேட்டையாடிய சம்பவம் தொடர்பான வீடியோ வெளியானது.
இந்நிலையில், திருப்பூர் மத்திய காவல்நிலைய போலீசார் அதே பகுதியைச் சேர்ந்த கருப்பசாமி என்பவரிடம் விசாரணை மேற்கொண்டனர்.
விசாரணையில், அவர் துப்பாக்கி பயிற்சி செய்யும் ஏர்கன் வகை துப்பாக்கியை கோவையிலிருந்து கடந்த ஜூலை மாதம் 40 ஆயிரம் ரூபாய்க்கு வாங்கியது தெரியவந்துள்ளது. இதனை தொடர்ந்து துப்பாக்கியை பறிமுதல் செய்தனர்.
இதையடுத்து துப்பாக்கியுடன் சென்று பொது மக்களை அச்சுறுத்தியது மற்றும் பறவையை வேட்டையாடியது தொடர்பாக வழக்குப் பதிவு செய்து விசாரணை மேற்கொண்டு வருகின்றனர்.
