ரஜினியை பாஜகதான் இயக்குகிறது என்பதற்கு எந்த ஆதாரமும் இல்லை என்று துக்ளக் ஆசிரியர் குருமூர்த்தி தெரிவித்துள்ளார்.
ஜனவரியில் புதிய கட்சி தொடங்குவதாகவும், புதிய கட்சி தொடங்குவதற்கான தேதி டிசம்பர் 31ல் அறிவிக்கப்படும் என்றும் ரஜினி தனது ட்விட்டரில் பதிவிட்டு இருந்தார். அத்துடன், வரும் சட்டமன்றத் தேர்தலில் வெற்றிப் பெற்று தமிழகத்தில் ஆன்மீக அரசியல் உருவாகுவது நிச்சயம் எனவும் தமிழகத்தில் ஊழலற்ற, ஜாதி மதச் சார்பற்ற ஆன்மீக அரசியல் உருவாகும் எனவும் குறிப்பிட்டிருந்த ரஜினி, அற்புதம் அதிசயம் நிகழும் எனவும் பதிவிட்டிருந்தார்.
இந்நிலையில், ரஜினியை பாஜகதான் இயக்குகிறது என்பதற்கு எந்த ஆதாரமும் இல்லை என்று துக்ளக் ஆசிரியர் குருமூர்த்தி தெரிவித்துள்ளார். மேலும் சென்னையில் செய்தியாளர்களிடம் பேசிய அவர், “ரஜினியை பின்னால் இருந்து யாரும் இயக்க முடியாது. உடல்நிலை சரியில்லை என்றாலும் துணிச்சலாக ரஜினி கட்சி தொடங்குகிறார்” என்று கூறினார்.
