செங்கல்பட்டு மாவட்டத்தில் உள்ள மிகப்பெரிய ஏரிகளில் ஒன்றான மதுராந்தகம் ஏரி, அதன் முழு கொள்ளளவான 23.3 அடியை நேற்று எட்டி நிரம்பியது. இன்று 24 அடியாக உள்ளது. நேற்று ஏரிக்கு வரும் நீர்வரத்து வினாடிக்கு ஆயிரம் கன அடியாக இருந்த நிலையில், இன்று வினாடிக்கு 2,000 கன அடியாக உயர்ந்துள்ளது. தற்போது ஏரியில் 720 மில்லியன் கன அடி தண்ணீர் உள்ளது. ஏரிக்கு வரும் உபரி நீர் அனைத்தும் ஏரியில் உள்ள தானியங்கி ஷட்டர் மற்றும் கலங்கள் வழியாக வெளியேற்றப்பட்டு வருகிறது. வெளியேறும் உபரி நீர் கிளியாறு வழியாக பாய்ந்தோடுகிறது.
