புதுக்கோட்டை மாவட்டம், கோட்டைப்பட்டினத்தைச் சேர்ந்த ராஜ்கிரண்(30), சுகந்தன்(30), சேவியர் (32) ஆகிய 3 மீனவா்கள் படகில் செவ்வாய்க்கிழமை காலை கடலில் மீன்பிடித்துக் கொண்டிருந்தனர். அப்போது, தங்கள் நாட்டு கடல் எல்லைக்குள் மீன்பிடிப்பதாகக் கூறி, இலங்கைக் கடற்படையினர் மீனவர் படகில் மோதி கடலில் மூழ்கடித்ததாக கூறப்படுகிறது. இதில் ராஜ்கிரண் கடலில் மூழ்கி பரிதாபமாக உயிரிழந்தார். கடலில் தத்தளித்த சுகந்தன், சேவியர் ஆகிய இருவரையும் இலங்கை கடற்படையினர் கைது செய்தனர். ராஜ்கிரணின் உடலை தேடி வந்த நிலையில், அவரது சடலம் புதன்கிழமை அதிகாலை இலங்கை கடற்பரப்பில் மீட்கப்பட்டது.
