தமிழ்நாட்டின் அரசியல் களேபரம் குறித்த உரையாடல் ட்விட்டரில் பொறி பறந்து கொண்டிருக்கிறது. தமிழ்நாட்டைக் குறித்து பேசுகிறவர்கள் #Tamilnadu என்ற குறிப்பிட்ட ஹேஷ்டேக் பயன்படுத்தி பேசி வருகின்றனர்.
ஒரே நேரத்தில் பலர் இதுபற்றிப் பேசி வருவதால் சென்னை அளவிலான ட்ரெண்டிங்கில் முதல் இடத்தில் வந்துள்ளது, இந்த ஹேஷ்டாக். இந்தியா - பாகிஸ்தான் கிரிக்கெட் போட்டியை பற்றிய #IndvsPak என்ற ஹேஷ்டேக்கே இரண்டாவது இடத்தில்தான் உள்ளது. எனவே கிரிக்கெட்டையும் தாண்டி இளைஞர்கள் தமிழக அரசியலைப் பற்றி பரபரப்பாக விவாதிக்கின்றனர்.
இதில் தமிழகத்தை திராவிடக் கட்சிகள் பாழாக்கிவிட்டனர் என்றும், தமிழகம் திராவிடக் கட்சிகளால் வளர்ச்சி அடைந்துள்ளது என்றும் வாத விவாதங்கள் நடந்துவருகின்றன. அதுமட்டுமில்லாமல் தமிழ்நாடு சார்ந்த செய்திகள் அனைத்துக்கும் அதே ஹேஷ்டேக் பயன்படுத்தப்படுகிறது. ஊடகங்களுடைய ட்விட்டர் பக்கங்களும் இந்த டாக்கை பயன்படுத்துகிறார்கள்.
