மாநாட்டு மேடைக்கு வந்தபோது, விஜய் ரேம்ப் வாக் சென்றார். அச்சமயத்தில் அவரை நோக்கி கட்சித் தொண்டர்கள் கட்சி துண்டை வீசினார். அதை கையிலெடுத்த விஜய், கொண்டாட்டத்துடன் அதை தன் தோளில் அணிந்துகொண்டு நடந்தார்! அக்காட்சிகள் இங்கே...
தமிழக மாநாட்டு மேடைக்கு உற்சாகமாக வந்துள்ளார் விஜய்.. அதை இங்குள்ள வீடியோவில் காணலாம்!
ராம்ப் வாக்கை முடித்துக்கொண்டு மேடைக்கு வந்த விஜய் தொண்டர்களின் உற்சாகத்தைக் கண்டு கண்கலங்கினார். தமிழ்நாட்டின் மன்னர்களுக்கும், சுதந்திர போராட்ட வீரர்களுக்கும், மொழிப்போர் தியாகிகளுக்கும் மலர்தூவி மரியாதை செலுத்தினார்.
தமிழக வெற்றிக் கழகத்தின் கொடியேற்றினார் விஜய்.
“நமது நாட்டின் விடுதலைக்காவும், நமது மக்களின் உரிமைகளுக்காகவும் தமிழ் மண்ணில் இருந்து வீரத்துடன் போராடி உயிர் நீத்த எண்ணற்ற வீரர்களின் தியாகத்தை எப்போதும் போற்றுவேன். நமது அன்னைத் தமிழ் மொழியைக் காக்க உயிர்த் தியாகம் செய்த மொழிப்போர் தியாகிகளின் இலக்கை நிறைவேற்றும் வகையில் தொடர்ந்து பாடுபடுவேன். இந்திய அரசியல் அமைப்புச் சட்டத்தின் மீதும், இறையான்மை மீதும் நம்பிக்கை வைத்து அனைவருடன் ஒற்றுமை, சகோதரத்துவம், மத நல்லிணக்கம், சமத்துவம் ஆகியவற்றை பேணிக்காக்கின்ற பொறுப்புள்ள தனி மனிதராக செயல்படுவேன்.
மக்களாட்சி, மதச்சார்பின்மை, சமூக நீதிப்பாதையில் பயணித்து சமூக நல சேவகராக கடமையாற்றுவேன் என உறுதி அளிக்கின்றேன். சாதி, மதம், பாலினம், பிறந்த இடம் ஆகியவற்றின் பெயரில் உள்ள வேற்றுமைகளைக் கலைந்து மக்களிடையே விழிப்புணர்வை ஏற்படுத்தி, அனைவருக்கும் சம வாய்ப்பு, சம உரிமை கிடைக்கப்பாடுபடுவேன். பிறப்பொக்கும் எல்லா உயிர்க்கும் என்ற சமத்துவக் கொள்கையை கடைபிடிப்பேன் என்று உளமாற உறுதி கூறுகிறேன்” - என்ற உறுதிமொழி ஏற்கப்பட்டுள்ளது!
“ஒரு குழந்தை முதன்முதலாக அம்மா என சொல்லும்போது அம்மாக்கு ஒரு சிலிர்ப்பு வரும். சிலிர்ப்பு எப்படி இருந்தது என அம்மாவால் சொல்ல முடியும். அந்த உணர்வு எப்படி இருந்தது என குழந்தையைக் கேட்டால் அந்த குழந்தை எப்படி சொல்லும். குழந்தைக்கு சிரிக்க மட்டும்தானே தெரியும்.. சிலிர்ப்பை சிலாகித்து வார்த்தைகளில் சொல்ல அந்தை குழந்தைக்கு தெரியாதில்லையா.. அப்படி ஒரு உணர்வோடுதான் நான் உங்கள் முன்னால் நிற்கிறேன்.
அம்மாவிடம் கூட தன் உணர்வை சொல்லத்தெரியாத குழந்தை முன் பாம்பு ஒன்று படமெடுத்தால் என்ன நடக்கும்.. தன் அம்மாவைப் பார்த்து சிரிக்கும் அதே சிரிப்புடன், பாம்பை பிடித்து விளையாடும்.. பாச உணர்வை மட்டுமே சொல்லத்தெரியாத குழந்தைக்கு பயத்தை மட்டும் எப்படி சொல்லத்தெரியும்...
இங்கு அந்த பாம்புதான் அரசியல். அதை கையில் பிடித்து விளையாட ஆரம்பிப்பது உங்கள் தளபதி!” என்றார்.
“ ‘அரசியல்லாம் எதுக்குங்க.. நாம பாட்டுக்க நடிச்சோமா, நாலு காசு பாத்தோமா’ன்னுதான் ஆரம்பத்துல நானும் நினச்சேன்.. நாம மட்டும் நல்லா இருக்கனும்னு நினைக்கிறது சுயநலம் இல்லையா.? நம்ம வாழ வச்ச மக்களுக்காக எதுவும் செய்யாம இருக்குறது நல்ல விசுவாசமா இருக்குமா...?
ஒரு லெவலுக்கு மேல காசு சேத்து என்ன செய்ய போறோம்..? மக்களுக்கு என்ன செய்ய போறோம்ன்னு ஏகப்பட்ட கேள்விகள்..! இதற்கு ஒட்டுமொத்தமாக விடையைக் கண்டுபிடிக்க யோசித்த போதுதான் ‘அரசியல்’ எனும் விடை கிடைத்தது. உலக வரலாறு, உலக இலக்கியம் சொல்லிக்கொண்டு எம்பி3 ஆடியோவாக பேசப்போறது இல்லை. All ready அரசியல்வாதிகளாக இருப்பவர்களைப் பற்றி அதிகமாக பேசி நேரத்தை வீணாக்கப்போவதில்லை... மேடையில் இருந்தாலும், மேடையின் முன் இருந்தாலும் நான் - நீ, நாங்க - நீங்க என்பதெல்லாம் கிடையாது.. நாம்-தான். நாம் எல்லோரும் ஒன்றுதான், நாம் எல்லோரும் சமம்தான். அதனால் என் நெஞ்சில் குடியிருக்கும் உங்களுக்கு என் உயிர் வணக்கங்கள்
‘பிறப்பொக்கும் எல்லா உயிர்க்கும்’ என்ற குறளை அடிப்படைக் கோட்பாடாக அறிவித்தபோதே நம் உண்மையான எதிரி யார் என்று சொல்லிவிட்டோம்.. சமதர்ம கொள்கையை கையிலெடுத்தபோதே கதறல் சத்தம் கேட்டது.
இங்கு ஒரு கூட்டம்.. யார் அரசியலுக்கு வந்தாலும் குறிப்பிட்ட கலரை அவர்கள் மேல் பூசி, பூச்சாண்டி காட்டி, மக்களை ஏமாற்றி, அவர்கள் மட்டும் அண்டர்கிரவுண்ட் டீலிங் போட்டுக்கொண்டு பாசிசம் பாசிசம் என்கின்றனர்.. அவர்கள் பாசிசம் என்றால் நீங்கள் பாயாசமா? மக்கள் விரோத ஆட்சியை திராவிட மாடல் ஆட்சி என கூறி மக்களை ஏமாற்றுகின்றனர்.. நீங்கள் என்னதான் மோடி மஸ்தான் வேலையை செய்தாலும் ஒன்னும் நடக்காது..” என்றார் விஜய்.
விஜய் உரையைத்தொடர்ந்து, மாநாடு நிறைவடைந்துள்ளது.
