முகக்கவசம், சானிடைசருக்கு விலை நிர்ணயம் - தமிழக அரசு அரசாணை

முகக்கவசம், கிருமிநாசினி, பிபிஇ கிட் உள்ளிட்ட மருத்துவ பொருட்களுக்கு தமிழ்நாடு அரசு விலை நிர்ணயம் செய்து அரசாணை வெளியிட்டுள்ளது.

அதன்படி, மூன்று அடுக்கு சர்ஜிகல் மாஸ்க் 4 ரூபாய்க்கு விற்பனை செய்ய வேண்டும் என்றும், தரத்தை பொறுத்து அதிகபட்சமாக 4 ரூபாய் 50 பைசாவுக்கு விற்கலாம் எனவும் தெரிவிக்கப்பட்டுள்ளது. இரண்டு அடுக்கு சர்ஜிகல் மாஸ்க் 3 ரூபாய், என் 95 மாஸ்க் 22 ரூபாய் என விலை நிர்ணயிக்கப்பட்டுள்ளது.

கிருமிநாசினி 200 மில்லி, அதிகபட்சம் 110 ரூபாய் என தமிழ்நாடு அரசு விலை நிர்ணயம் செய்துள்ளது. பிபிஇ கிட் எனப்படும் முழு கவச உடைக்கான அதிகபட்ச விலை 273 ரூபாய் என நிர்ணயிக்கப்பட்டுள்ளது. ஆக்சிஜன் செலுத்த பயன்படுத்தப்படும் ஃப்ளோ மீட்டர் ஆயிரத்து 520 ரூபாய் என்றும், ஆக்சிஜன் அளவை கண்டறிய உதவும் பல்ஸ் ஆக்சிமீட்டர் ஆயிரத்து 500 ரூபாய் எனவும் அரசு விலை நிர்ணயம் செய்துள்ளது. ஃபேஸ் ஷீல்டு எனப்படும் முகத்தடுப்பின் அதிகபட்ச விலை 21 ரூபாயாக நிர்ணயிக்கப்பட்டுள்ளது

முழு விலைப்பட்டியல்

மூன்று அடுக்கு சர்ஜிகல் மாஸ்க் - ரூ.4

மூன்று அடுக்கு சர்ஜிகல் மாஸ்க் - ரூ.4.50

இரண்டு அடுக்கு சர்ஜிகல் மாஸ்க் - ரூ.3

என் 95 மாஸ்க் - ரூ.22

கிருமிநாசினி 200 மில்லி - ரூ.110

பிபிஇ கிட் - ரூ.273

ஃப்ளோ மீட்டர் - ரூ.1,520

பல்ஸ் ஆக்சிமீட்டர் - ரூ.1,500

ஃபேஸ் ஷீல்டு - ரூ.21