குறைந்த தொலைவுள்ள நகரங்களுக்கு இடையேயான ஏசி வசதியுடன் கூடிய பேருந்து சேவையை கரூரில் போக்குவரத்துத் துறை அமைச்சர் எம்.ஆர்.விஜயபாஸ்கர் தொடங்கி வைத்தார்.
தமிழகத்தில் இருக்கக்கூடிய 8 போக்குவரத்து கழகங்களில் கும்பகோணம், சேலம், கோவை, மதுரை, நெல்லை ஆகிய கோட்டங்களுக்கு தலா 10 பேருந்துகளும், விழுப்புரம், பல்லவன் ஆகிய கோட்டத்திற்கு தலா 50 பேருந்துகளும் இயக்கப்பட உள்ளன.
இதுவரை 5 ஆயிரம் புதிய பேருந்துகள் போக்குவரத்து கழகத்தில் சேர்க்கப்பட்டுள்ளதாக கூறிய அமைச்சர் எம்.ஆர்.விஜயபாஸ்கர், தீபாவளி பண்டிகையையொட்டி மக்கள் பாதுகாப்பான பயணம் மேற்கொள்ள பல்வேறு ஏற்பாடுகள் செய்யப்பட்டுள்ளதாக தெரிவித்தார்.
