தீபாவளி பண்டிகையை முன்னிட்டு சென்னையிலிருந்து நெல்லைக்கு சிறப்பு ரயில் இயக்கப்படும் என அறிவிக்கப்பட்டுள்ளது.
நெல்லையில் இருந்து இன்று (27 ஆம் தேதி )மாலை 4 மணிக்கு புறப்படும் ரயில் நாளை காலை 10 மணிக்கு சென்னை சென்ட்ரல் ரயில் நிலையத்தை அடையும். மறுமார்க்கத்தில் சென்னை சென்ட்ரலில் இருந்து நாளை மாலை 3 மணிக்கு புறப்படும் ரயில் செவ்வாய்க்கிழமை காலை 7:15 மணிக்கு நெல்லை சென்றடையும் என தெற்கு ரயில்வே தெரிவித்துள்ளது.
இந்த ரயில் கல்லிடைக்குறிச்சி, அம்பாசமுத்திரம், தென்காசி, சங்கரன்கோவில், சிவகாசி, விருதுநகர், மதுரை, திருச்சி, விழுப்புரம் வழியாக சென்னைக்கு இயக்கப்படும் என தெற்கு ரயில்வே மதுரை கோட்டம் சார்பில் தெரிவிக்கப்பட்டுள்ளது.
