தமிழகத்தில் கடந்த ஏப்ரல் மாத இறுதியில் பள்ளிகளுக்கு கோடை விடுமுறை அளிக்கப்பட்டது. கோடை விடுமுறை முடிந்து வருகிற ஜூன் 6-ஆம் தேதி பள்ளிகள் மீண்டும் திறக்கப்படும் என பள்ளிக்கல்வித்துறை அறிவித்திருந்தது.
இந்த நிலையில் கத்திரி வெயில் முடிவடைந்தாலும், தமிழகத்தில் வெயிலின் தாக்கம் குறையவில்லை. ஏற்கனவே அறிவிக்கப்பட்ட தேதியில் பள்ளிகளை திறந்தால் மாணாக்கர்கள் கடுமையாக பாதிக்கப்படுவார்கள் என்பதால், திறப்பு தேதியைத் தள்ளி வைக்க வேண்டும் என பல்வேறு தரப்பில் இருந்தும் வலியுறுத்தப்பட்டது.
இதையடுத்து மாணவர்களின் நலனைக் கருத்தில் கொண்டு, விடுமுறையை நீட்டித்து ஜூன் 10-ஆம் தேதி பள்ளிகள் திறக்கப்படும் என பள்ளிக்கல்வித்துறை அறிவித்துள்ளது.
