அன்புக்கு மட்டுமே அடிபணிவார் சரத்குமார் என சமத்துவ மக்கள் கட்சியின் முதன்மை துணைப் பொதுச்செயலாளர் ராதிகா தெரிவித்தார்.
தூத்துக்குடி மாவட்ட புதுக்கோட்டையில் சமத்துவ மக்கள் கட்சியின் பொதுக்குழு கூட்டம் நடைபெற்று வருகிறது. இதில் சரத்குமார், ராதிகா உள்ளிட்ட ஏராளமானோர் கலந்து கோண்டனர்.
நிகழ்ச்சியில் பேசிய ராதிகா, “சரத்குமாருக்கு பயம் கிடையாது. அன்பு ஒன்றுக்கு மட்டுமே கட்டுப்படுவார். தொண்டர்கள் காட்டும் அன்பில் சாதிப்போம் என்கிற நம்பிக்கையில் இருக்கிறார். நிறைய முடிவுகள் எடுத்துள்ளார். விரைவில் அறிவிப்பார். இந்த தேர்தல் ஒரு மாற்றத்தை கொண்டுவரும் தேர்தல் என அடித்துக்கூறுகிறேன்.
விடமாட்டோம். கருவேப்பிலையா? கொத்தமல்லியா? தலைவர் கட்டளையிட்டால் இந்த தேர்தலில் வேட்பாளராக நிற்பேன். கோவில்பட்டி, வேளச்சேரியில் நான் நிற்க வேண்டும் என நிறைய பேர் சொல்கிறார்கள். தலைவர் எங்கு சொல்கிறாரோ அங்கு நிற்பேன். எங்கள் இலக்கு வெற்றி” எனத் தெரிவித்தார்.
