சேலம் அருகே மாணவர்களை கால் அழுத்த செய்த அரசுப்பள்ளி ஆசிரியர் பணியிடை நீக்கம் செய்யப்பட்டார். சேலம் மாவட்டம் கிழக்கு ராஜபாளையம் பகுதியில் செயல்பட்டு வரும் அரசு உயர் நிலைப்பள்ளியில் 90க்கும் மேற்பட்ட மாணவ, மாணவிகள் படித்து வருகின்றனர்.
தலைமை ஆசிரியர் உட்பட 6 ஆசிரியர்கள் பணியாற்றுகின்றனர். கணித ஆசிரியர் ஜெய பிரகாஷ் மது அருந்திவிட்டு பள்ளிக்கு வருவதாக புகார் எழுந்துள்ளது.
இந்நிலையில், ஆசிரியர் ஜெய பிரகாஷூக்கு மாணவர்கள் கால் அழுத்திவிடும் காட்சிகள் வெளியாகி அதிர்ச்சியை ஏற்படுத்தியது. இந்நிலையில், ஆசிரியர் ஜெய பிரகாஷை பணியிடை நீக்கம் செய்து, மாவட்ட முதன்மை கல்வி அலுவலர் கபீர் உத்தரவிட்டுள்ளார்.
