எம்.ஜி.ஆர் நூற்றாண்டு விழாவை முன்னிட்டு மதுரை மத்திய சிறையில் இருந்து நன்னடத்தை விதியின் கீழ் 16 ஆயுள் கைதிகள் விடுவிக்கப்பட்டனர்.
எம்.ஜி.ஆர் நுாற்றாண்டுவிழாவினை முன்னிட்டு 10ஆண்டுகளுக்கு மேல் சிறையில் இருக்கும் ஆயுள்தண்டனை சிறைவாசிகளுக்கு நன்னடத்தை விதியின் கீழ் பொதுமன்னிப்பு வழங்கிவிடுதலை செய்ய உத்தரவு பிறப்பித்திருந்தது. அதன்படி மதுரை மத்திய சிறையில் இருந்து 2 ஆம் கட்டமாக 10 ஆண்டுகளுக்கு மேலாக சிறையில் ஆயுள்தண்டனை கைதிகளாக இருந்துவந்த 16 ஆயுள்தண்டனை சிறைவாசிகள் விடுவிக்கப்பட்டனா். சிறை அதிகாரி மற்றும் நன்னடத்தை அதிகாரிகளின் ஒப்புதலுடன் 16 பேருக்கும் பொதுமன்னிப்பு வழங்கப்பட்டு நன்னடத்தை விதியின் கீழ் விடுவிக்கப்பட்டனா். விடுவிக்கப்பட்ட ஆயுள் தண்டனை கைதிகள் அனைவரும் மன மகிழ்வுடன் தங்களது வீடுகளுக்கு சென்றனா். முதற்கட்டமாக கடந்த 25 ஆம் தேதி மாரியப்பன் என்ற ஆயுள்கைதி விடுவிக்கப்பட்ட நிலையில் இன்று 2 ஆம் கட்டமாக 16 பேரும் மொத்தமாக மதுரை மத்திய சிறையில் இருந்து 2 ஆம் கட்டமாக 17 ஆயுள் தண்டனை அனுபவித்த வந்த சிறைவாசிகள் விடுவிக்கப்பட்டுள்ளனா்.
