சென்னையில் செய்தியாளர்களிடம் பேசிய ராதாகிருஷ்ணன், தமிழ்நாட்டில் இதுவரை 33 சதவிகிதம் பேர் தடுப்பூசி போடாமல் இருப்பதாகவும், இதற்காக ஒவ்வொரு மாவட்டத்திலும் நுண் செயல் திட்டத்தை வடிவமைத்து செயல்படுத்தியுள்ளதாகவும் கூறினார். சென்னையில் பெருங்குடியில் உள்ள குடிசைப் பகுதிகளில் டெங்கு உள்ளிட்ட நோய்த்தொற்றுக்கு மக்கள் ஆளாவதாகக் கூறிய ராதாகிருஷ்ணன், டெங்குவாக இருந்தாலும் கொரோனாவாக இருந்தாலும் அவற்றை குணப்படுத்தும் வல்லமை தமிழ்நாட்டு மருத்துவர்களிடம் உள்ளதாகத் தெரிவித்தார்.
