நெல்லையில் வாடிக்கையாளர் ஒருவருக்கு பெட்ரோல் நிரப்பும் போது, தீ விபத்து ஏற்பட்டது.
நெல்லை மாவட்டம் முருகன்குறிச்சியில் உள்ள பெட்ரோல் பங்கிற்கு சென்ற ஆல்வின் என்ற இளைஞர் இருசக்கர வாகனத்திற்கு பெட்ரோல் நிரப்புமாறு கூறியுள்ளார். ஊழியர் பெட்ரோலை நிரப்பும் போது டேங்க் நிரம்பி பெட்ரோல் வெளியே வழிந்ததில் ஆல்வினின் ஆடைகளும் நனைந்தன.
பின்னர் பைக்கை ஸ்டார்ட் செய்த போது பைக்கின் டேங்க் பகுதியில் திடீரென பற்றிய தீ, ஆல்வின் மீதும் பரவியது. துரிதமாக செயல்பட்ட பங்க் ஊழியர்கள் தீயணைப்பான் கொண்டு தீயை உடனடியாக அணைத்தனர். இதனால் பெருஞ்சேதம் தவிர்க்கப்பட்டது. இருந்தும் 40 சதவிகித தீக்காயத்துடன் ஆல்வின் பாளையங்கோட்டை அரசு மருத்துமனையில் சிகிச்சை பெற்று வருகிறார். விபத்து குறித்து பாளையங்கோட்டை காவல் துறையினர் விசாரணை நடத்தி வருகின்றனர்.
