அமெரிக்காவில் காளைகள் மீது மனிதர்கள் சவாரி செய்வதை முதலில் பீட்டா அமைப்பு தடை செய்யட்டும் என நடிகர் கமல்ஹாசன் தெரிவித்திருந்த கருத்துக்கு பீட்டா இந்தியா பதிலளித்துள்ளது.
அதில், கமல்ஹாசன் குறிப்பிடும் ரோடியோ எனப்படும் காளை மீது சவாரி செய்யும் போட்டிகளுக்கு எதிராக பீட்டா அமெரிக்கா அமைப்பு செயல்பட்டு வருவதாகவும், பல மாகாணங்களில் ரோடியோ தடை செய்யப்பட்டிருப்பதாகவும் கூறப்பட்டுள்ளது. பிரிட்டன், நெதர்லாந்து உள்ளிட்ட நாடுகளிலும் ரோடியோ தடைசெய்யப்பட்டிருப்பதாகவும் பீட்டா இந்தியா தெரிவித்துள்ளது.
ஸ்பெயின் நாட்டில் நடைபெறும் காளை அடக்கும் போட்டிக்கு எதிராக பீட்டா ஐரோப்பா அமைப்பு போராடி வருவதாகவும் பீட்டா தெரிவித்துள்ளது.
