செய்தியாளர்: ராஜூ கிருஷ்ணா
நெல்லை மாவட்டம் வள்ளியூர் பகுதிகளைச் சேர்ந்த இளைஞர்கள் சிலர், பொதுமக்களின் உயிருக்கு அச்சம் ஏற்படுத்தும் வகையில் நெடுஞ்சாலை பகுதிகளில் அஜாக்கிரதையாகவும், விபத்தை ஏற்படுத்தும் வகையிலும் இருசக்கர வாகனங்களில் சாகசங்களில் ஈடுபட்டு வருகின்றனர். மேலும் சாதிய உணர்வை தூண்டும் வகையிலும் அதனை சமூக வலைதளங்களில் கெத்தாக பதிவிட்டும் வருகின்றனர்.
ஏற்கனவே திருநெல்வேலி மாவட்டத்தில் சாதிய படுகொலைகள் தொடர்ந்து நடைபெற்று வரும் வருகிறது. இந்நிலையில், இளைஞர்கள் இதுபோன்ற வீடியோக்களை எடுத்து சமுக வலைதளங்களில் வெளியிட்டு வருவது மிகவும் ஆபத்தானது என பொதுமக்கள் எச்சரித்து வருகின்றனர்.
மேலும் ஆபத்தான முறையில் பைக் வீலிங்கில் ஈடுபடும் இளைஞர்களின் வாகனங்களை பறிமுதல் செய்து அந்த இளைஞர்கள் மீது சட்டபூர்வ நடவடிக்கை எடுக்க வேண்டும் என பொதுமக்கள் வலியுறுத்தி வருகின்றனர்.
