![தமிழகத்தில் பராமரிப்பு பணிகளுக்கான மின்சார ’ஷட் டவுன்’ நேரம் குறைப்பு](http://media.assettype.com/puthiyathalaimurai%2Fimport%2Fuploads%2Fnews-image%2F2021%2F05%2F31%2F800x400%2F120074.webp?w=480&auto=format%2Ccompress&fit=max)
தமிழகத்தில் பராமரிப்புப் பணிக்கான மின்சார சேவை நிறுத்தம் செய்யப்படும் நேரம் குறைக்கப்பட்டுள்ளதாக மின்சார வாரியம் தெரிவித்திருக்கிறது.
வழக்கமாக காலை 9 அல்லது 10 மணியிலிருந்து மாலை 5 மணிவரை மின்சார பராமரிப்பு பணிகளுக்கான மின்சேவை நிறுத்தம் செய்யப்படும். தற்போது அந்த நேரம், 2 மணிநேரம் மட்டுமே என குறைக்கப்பட்டுள்ளது. பகல் 12 மணிக்குள் ஏதாவது இரண்டு மணிநேரம் பராமரிப்புப் பணிக்கு மின்சாரம் நிறுத்த திட்டமிடப்பட்டுள்ளது. கொரோனா காலத்தில் வீட்டிலிருந்தே பணி மற்றும் வகுப்புகள் நடப்பதைக் கருதி மின்நிறுத்த நேரம் குறைக்கப்பட்டுள்ளதாக மின்சார வாரியம் தெரிவித்திருக்கிறது.