மதுரை அண்ணாநகர் ஜக்காதோப்பைச் சேர்ந்தவர் பன்னீர்செல்வம் 55. இவர் 1997ல் ரூ.60 வழிப்பறி செய்ததாக தெப்பக்குளம் போலீசாரால் கைது செய்யப்பட்டார். அப்போது நீதிமன்றத்தில் ஆஜர்படுத்தப்பட்ட நிலையில் தலைமறைவானார். அவர் மீது பிடிவாரன்ட்டும் பிறப்பிக்கப்பட்டது.
இந்நிலையில், பழைய வழக்குகளில் தலைமறைவாக உள்ளவர்களை பிடிக்க தற்போது சிறப்பு தனிப்படை அமைக்கப்பட்டது. உதவிகமிஷனர் சூரக்குமார் தலைமையில் சிறப்பு எஸ்.ஐ.,க்கள் சந்தானபாண்டியன், பன்னீர்செல்வம் ஆகியோர் பழைய வழக்குகளை ஆய்வு செய்துவந்த நிலையில், 1997-ல் ரூ.60 வழிப்பறி செய்த வழக்கில் 27 ஆண்டுகளுக்கு பிறகு பன்னீர் செல்வம் என்பவர் கைதுசெய்யப்பட்டார்.
ஜக்காதோப்புக்கு சென்று பன்னீர்செல்வம் குறித்து விசாரித்த போலீஸாருக்கு, அவர் சிவகாசி பகுதியில் குடும்பத்துடன் வசிப்பது தெரிந்தது. அங்கு உள்ளூர் போலீசார் மற்றும் தெப்பக்குளம் போலீசாருடன் சென்று மக்கள்தொகை கணக்கெடுப்பு ஆய்வு செய்வதாக கூறி பன்னீர்செல்வம் குடும்பத்தினரிடம் பெயர், விபரங்களை கேட்டு காவல்துறையின் உறுதிசெய்தனர்.
இதைதொடர்ந்து 1997-ல் ரூ.60 திருடிய வழக்கில் தப்பிச்சென்று தற்போது ஒயின் ஷாப்பில் வேலை செய்த பன்னீர்செல்வத்தை காவல்துறையினர் கைது செய்தனர். 27 ஆண்டுகளாக தலைமறைவாக இருந்தவரை கைது செய்த போலீசாரை கமிஷனர் லோகநாதன் பாராட்டினார்.
