நடிகர்கள், தொழிலதிபர்கள் பலரும் இறக்குமதி காருக்கு நுழைவு வரி விலக்கு கேட்டு தொடர்ந்த வழக்குகள் சென்னை உயர் நீதிமன்ற நீதிபதி எஸ்.எம்.சுப்பிரமணியம் முன் நேற்று விசாரணைக்கு வந்தன. அப்போது பெரும் பணக்காரர்கள் பலர் வெளிநாட்டு சொகுசு கார்களுக்கு நுழைவு வரியை செலுத்தாமல், வழக்கு தொடர்ந்துள்ளதாக நீதிபதி குறிப்பிட்டார். இதுதொடர்பான வழக்கை உச்ச நீதிமன்றம் 2018ஆம் ஆண்டே தள்ளுபடி செய்து விட்டபோதும், வரியை வசூலிக்க அதிகாரிகள் நடவடிக்கை எடுக்கவில்லை எனவும் நீதிபதி சாடினார்.
