சேலம் மாவட்டம் ஓமலுர் அருகே நடைபெற்ற மாட்டு சந்தையில் 15 கோடி ரூபாய்க்கு மாடுகள் விற்பனையாகியுள்ளன.
ஓமலூர் அருகே பெருமாள் கோவில் மாட்டுச்சந்தை பிரசித்தி பெற்றது. இங்கு ஏராளமான மாடுகள் விற்பனைக்கு வருவது வழக்கம். நேற்று நடந்த சந்தையில் கேரளா, ஒரிசா, ஆந்திரா உட்பட வெளிமாநில வியாபாரிகள் பலரும் இறைச்சிக்கான மாடுகளை அதிகமாக வாங்கினர். இதேபோல, ஆங்காங்கே மழை பெய்யத்தொடங்கியதால். வளர்ப்புக்காக விவசாயிகள் இளம் கன்றுகளை வாங்க ஆர்வம் காட்டினர். இதனால் கன்றுகள் மட்டுமே சுமார் ஐந்து கோடி ரூபாய்க்கும் மேல் விற்பனையானதாகவும் மொத்தம் ரூ.15 கோடிக்கு மாடுகள் விற்பனையாகி இருப்பதாகவும் வியாபாரிகள் தெரிவித்தனர்.
