கொடைக்கானல் அருகே உள்ள தனியார் பள்ளிக்கு சென்ற தமிழக ஆளுநர் ரவி, மாணவ- மாணவிகள் மத்தியில் உரையாற்றினார். அப்போது “எத்தனை பேர் கல்விக் கடவுளான சரஸ்வதியின் படத்தை படிக்கும் மேஜையில் வைத்து உள்ளீர்கள்?” என கேள்வி எழுப்பினார்.
அதற்கு மாணவர்கள் பதிலளித்த நிலையில், “இனிவரும் காலங்களில் படிக்கும் மேஜையில் கடவுள் சரஸ்வதியின் புகைப்படத்தை வைத்து வணங்கி விட்டு, படித்தால் நிச்சயம் அறிவு பெருகும்” என அறிவுறுத்தினார்.
மேலும் சரஸ்வதி வந்தனம் பாடல், பள்ளியில் பாட பழக்கப்படுத்த வேண்டும் என பள்ளி நிர்வாகத்தையும் கேட்டுக் கொண்டார்.
