விநாயகர் சதுர்த்தியை முன்னிட்டு, முதலமைச்சர் எடப்பாடி பழனிசாமி உள்ளிட்ட தலைவர்கள் வாழ்த்துகளைத் தெரிவித்துள்ளனர்.
உலகம் முழுவதும் உள்ள இந்துக்களால், நாளை விநாயகர் சதுர்த்தி கொண்டாடப்பட உள்ளது. இதை முன்னிட்டு, தமிழ்நாடு முதலமைச்சர் எடப்பாடி பழனிசாமி வெளியிட்டுள்ள வாழ்த்துச் செய்தியில், விநாயகப் பெருமானின் அவதார நாளில், வீடெங்கும் அன்பும், மகிழ்ச்சியும் நிறையட்டும் என்றும், நாடெங்கும் நலமும் வளமும் பெருகட்டும் எனவும் வாழ்த்தியுள்ளார்.
அதிமுக ஒருங்கிணைப்பாளரும் துணை முதலமைச்சருமான ஓ.பன்னீர்செல்வம் வெளியிட்டுள்ள செய்தியில், மக்கள் துன்பங்கள் நீங்கி இன்பம் பெருகி வாழ்வில் அனைத்து வளமும் பெற்று நோய் நொடியின்றி வாழ வாழ்த்தியுள்ளார்.
விநாயகர் சதுர்த்தி நாளில் வளமும் நலமும் பெருகவும், அன்பும் அமைதியும் உலகில் தழைத்தோங்கட்டும் என்று அமமுக பொதுச்செயலாளர் டிடிவி தினகரன் வாழ்த்தியுள்ளார்.
