![என்கவுன்ட்டர்கள்](http://media.assettype.com/puthiyathalaimurai%2F2024-07%2F1f3736e7-518e-41ef-b327-5db51cac120f%2Fmaxresdefault.jpg?rect=0%2C0%2C1280%2C720&w=480&auto=format%2Ccompress&fit=max)
செய்தியாளர்: ஆனந்தன்
ஆம்ஸ்ட்ராங் கொலை வழக்கில் விசாரணைக் கைதியாக இருந்த திருவேங்கடம் காவல்துறை என்கவுன்ட்டரில் சுட்டுக்கொலை செய்யப்பட்டது அதிர்வலைகளை ஏற்படுத்தி இருக்கும் நிலையில், தமிழ்நாட்டில் கடந்த 6 ஆண்டுகளில் நடைபெற்ற என்கவுன்ட்டர்களின் விவரங்களை பார்க்கலாம்.
2019ம் ஆண்டில் சேலம் மாவட்டத்தைச் சேர்ந்த கதிர்வேல் மற்றும் சென்னை வியாசர்பாடி பகுதி சேர்ந்த வல்லரசு ஆகியோர் காவல்துறையால் சுட்டுகொல்லப்பட்டனர்.
2020-ஆம் ஆண்டை பொறுத்தவரை ஒரு என்கவுண்ட்டர் சம்பவம் பதிவானது. சென்னை அயனாவரத்தை சேர்ந்த சங்கரை காவல்துறையினர் சுட்டுக்கொன்றனர்.
2021-ல், கடலூர் மாவட்டத்தைச் சேர்ந்த கிருஷ்ணன், காஞ்சிபுரம் மாவட்டத்தைச் சேர்ந்த முர்தசா, தூத்துக்குடியை சேர்ந்த துரைமுருகன் ஆகியோர் போலிஸ்துப்பாக்கி குண்டு பாய்ந்து உயிரிழந்தனர்.
2022-ஆம் ஆண்டு செங்கல்பட்டு மாவட்டத்தைச் சேர்ந்த தினேஷ் மொய்தீன் மற்றும் நீராவி முருகன் ஆகியோர் போலீஸ் என்கவுன்ட்டரில் உயிரிழந்தனர்.
2023-ல் 3 ரவுடிகள் சுட்டுக்கொலை செய்யப்பட்டனர். சென்னை கூடுவாஞ்சேரியை சேர்ந்த சோட்டா வினோத், ரமேஷ் மற்றும் திருச்சியை சேர்ந்த ஜெகன் ஆகியோர் காவல்துறையின் துப்பாக்கிக்கு இரையாகினர்.
இந்த ஆண்டில், திருச்சி ரவுடி துரைசாமி புதுக்கோட்டை மாவட்டத்தில் வைத்து கடந்த 11-ஆம் தேதி என்கவுன்ட்டர் செய்யப்பட்டார்.
தற்போது, சென்னை மாதவரம் அருகே ஆம்ஸ்ட்ராங் கொலை வழக்கில் தொடர்புடைய முக்கிய குற்றவாளி திருவேங்கடத்தை காவல்துறையினர் என்கவுண்ட்டர் செய்துள்ளனர்.