கோவை மாவட்டம் மேட்டுப்பாளையத்தில் காலில் காயத்துடன் சுற்றித்திரிந்த காட்டு யானை மலைப்பகுதியில் வழுக்கி விழுந்து உயிரிழந்தது.
மேட்டுப்பாளையம் வனச்சரகத்திற்கு உட்பட்ட நெல்லிதுறை பகுதியில் சுமார் இருபது வயது மதிக்கத்தக்க ஆண் காட்டு யானை ஒன்று முன்னங்கால் மற்றும் உடலில் காயங்களுடன் சுற்றிவந்தது.
இதனையறிந்த வனத்துறையினர் கும்கி யானைகளின் உதவியுடன் காட்டுயானையை பிடித்து அதற்கு சிகிச்சை அளித்தனர். பின்னர் அதன் நடமாட்டம் ட்ரோன் கேமரா மூலம் கண்காணிக்கப்பட்டது. இந்நிலையில் காயமடைந்த காட்டு யானை மலைப்பகுதியில் இருந்து சரிந்து விழுந்தது. சுமார் பதினைந்து அடி பள்ளமான பகுதியில் சரிந்து விழுந்ததால் யானை பரிதாபமாக உயிரிழந்தது.
