திமுக பொதுக்குழு கூட்டம் அக்கட்சியின் தலைவர் ஸ்டாலின் தலைமையில் வரும் அக்டோபர் 6 ஆம் தேதி நடைபெறும் என அறிவிக்கப்பட்டுள்ளது.
சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6 ஆம் தேதி காலை 10 மணிக்கு ஸ்டாலின் தலைமையில் நடைபெற உள்ளது. கூட்டத்தில் பொதுக்குழு உறுப்பினர்கள் அனைவரும் கலந்து கொள்ள வேண்டும் அக்கட்சியின் பொதுச்செயலாளர் அன்பழகன் வேண்டுகோள் விடுத்துள்ளார்.
கடந்த ஆண்டு ஆகஸ்ட் மாதம் நடைபெற்ற பொதுக்குழுவில் ஸ்டாலின் திமுக தலைவராக தேர்வு செய்யப்பட்டார். அதன்பிறகு ஸ்டாலின் தலைமையில் கூடும் முதல் பொதுக்கூட்டம் இதுவாகும். இந்த கூட்டத்தில் திமுகவின் சட்டதிட்ட திருத்தம் குறித்தும், கழக ஆகபணிகள் குறித்தும் தணிக்கைக்குழு அறிக்கை குறித்தும் ஆலோசிக்க உள்ளதாக தெரிவிக்கப்பட்டுள்ளது.
