சிறைத்துறை துணை தலைவர் கனகராஜ் புதிய தலைமுறைக்கு அளித்த சிறப்பு நேர்காணலில், “அமைச்சர் செந்தில் பாலாஜி நலமுடன் உள்ளார். சிறையில் உள்ள எல்லா சிறைவாசிகளையும் முக்கியமானவர்களாகவே கருதுகிறோம். மக்கள் பிரதிநிதியாக சிறைக்கு வரும்போது கூடுதல் கவனம் செலுத்துகிறோம்.
நோயுற்ற சிறைவாசிகளுக்கான உணவை சிறை மருத்துவர் முடிவு செய்வார். செந்தில் பாலாஜிக்கு தேவையான நேரத்தில் பரிசோதனைகள் செய்யப்படுகின்றன. அறுவை சிகிச்சை செய்துள்ளதால் உடல் நிலையை கண்காணிக்க அறிவுறுத்தப்பட்டுள்ளது.
பொழுது போக்கிற்காக செந்தில்பாலாஜி புத்தகங்களை படிக்கும் பழக்கம் வைத்துள்ளார். அமைச்சர் செந்தில் பாலாஜியின் உடல் எடை மட்டும் சற்று குறைந்துள்ளது. சிறையில் இருப்பவர்கள் எல்லோரும் மனதளவில் பாதிக்கப்படுவார்கள். அந்தவகையில் அவரும் சற்று மன அழுத்தத்தில் உள்ளார்” என்றார். கூடுதல் தகவல்களை கீழே இணைக்கப்பட்டுள்ள வீடியோவில் காணலாம்.
