"கொரோனா பரவலைப் பொறுத்து கட்டுப்பாடுகள் தீவிரப்படுத்தப்படும்" என்று தமிழக அரசின் தலைமைச் செயலாளர் ராஜீவ் ரஞ்சன் தெரிவித்தார்.
தமிழகத்தில் நாளுக்கு நாள் கொரோனாவால் பாதிக்கப்பட்டோரின் எண்ணிக்கை அதிகரித்துக்கொண்டே வருகிறது. முகக்கவசம் அணிதல், சமூக இடைவெளியை கடைபிடித்தல் அவசியம் என தமிழக அரசு தொடர்ந்து வலியுறுத்தி வருகிறது. இதனிடையே கொரோனா தடுப்பூசி போடும் பணியும் தீவிரப்படுத்தப்பட்டு வருகிறது.
இந்நிலையில், கொரோனா பரவலைப் பொறுத்து கட்டுப்பாடுகள் தீவிரப்படுத்தப்படும் என தலைமைச் செயலாளர் ராஜீவ் ரஞ்சன் தெரிவித்தார். இதுகுறித்து பேசிய அவர், “கொரோனாவை தடுக்க கட்டுப்பாடுகள் தேவைக்கேற்ப தீவிரப்படுத்தப்படும். கொரோனா நோய்தொற்றும் தீவிரமாக கண்காணிக்கப்பட்டு வருகிறது. இதுவரை 54.78 லட்சம் தடுப்பூசிகள் மத்திய அரசிடம் இருந்து பெறப்பட்டுள்ளது” என்றார்.
