370 அரசு புதிய பேருந்துகளின் இயக்கத்தை முதலமைச்சர் எடப்பாடி பழனிசாமி கொடியசைத்து சென்னையில் தொடங்கி வைத்தார்.
போக்குவரத்து கழகங்களுக்கு அரசு புதிய பேருந்துகள் சேவை தொடங்கப்படும் என ஏற்கனவே முதலமைச்சர் பழனிசாமி அறிவிப்பு வெளியிட்டிருந்தார். அதன்படி ரூ.109 கோடி மதிப்பீட்டில் 8 போக்குவரத்து கழகங்களுக்கு 370 புதிய அரசு பேருந்துகள் சேவையை சென்னையில் முதலமைச்சர் தொடங்கி வைத்தார்.
அரசு விரைவு போக்குவரத்து கழகத்துக்கு 65 பேருந்துகள், மாநகர போக்குவரத்து கழகத்துக்கு 30 பேருந்துகள், கோவை -104 பேருந்துகள், சேலம் -57, கும்பகோணம் -41 பேருந்துகள், விழுப்புரம் -27, நெல்லை 26, மதுரை -20 பேருந்துகள் என 370 பேருந்துகள் சேவை தொடங்கப்பட்டுள்ளன.
