திமுகவுடனான தொகுதி பங்கீடு குறித்த இன்றைய பேச்சுவார்த்தை சுமுகமாக முடிந்தது என காங்கிரஸ் கட்சியின் தமிழக தலைவர் கே.எஸ்.அழகிரி தெரிவித்துள்ளார்.
திமுக - காங்கிரஸ் கட்சிகளுக்கு இடையே தொகுதி பங்கீடு குறித்த முதல்கட்ட பேச்சுவார்த்தை ஏற்கனவே முடிவடைந்த நிலையில், இன்று இரண்டாம் கட்ட பேச்சுவார்த்தை நடைபெற்றது. பேச்சுவார்த்தைக்கு பிறகு காங்கிரஸ் கட்சியின் தமிழக தலைவர் கே.எஸ்.அழகிரி செய்தியாளர்களை சந்தித்தார்.
அப்போது பேசிய அவர், “தொகுதி பங்கீட்டில் தாமதம் இல்லை. பேச்சுவார்த்தை நடைபெற்று கொண்டிருக்கிறது. திமுகவுடனான தொகுதி பங்கீட்டு பேச்சுவார்த்தை சுமுகமாக நடைபெற்றது. முடிவு நாளை அல்லது நாளை மறுநாள் உடன்பாடு ஏற்படுவதற்கான வாய்ப்பு உள்ளது. எங்களுடைய கோரிக்கையை வைத்துள்ளோம். அவர்களும் அவர்களின் நிலையை சொல்லியிருக்கிறார்கள். விரைவில் முடிவை அறிவிப்போம்” என்றார்.
