அதிமுக முதல்வர் வேட்பாளர் குறித்த கேள்விக்கு ஒற்றுமையாக இருந்து மீண்டும் அதிமுக ஆட்சியமைக்கும் என்று அமைச்சர் சி.வி.சண்முகம் தெரிவித்தார்
கடந்த 28ஆம் தேதி அதிமுகவின் செயற்குழு கூட்டம் நடைபெற்ற நாள்முதல் தமிழகத்தில் அரசியல் பரபரப்பு தொற்றிக் கொண்டுள்ளது. முதலமைச்சர் வேட்பாளர் போட்டியில் முதல்வர் பழனிசாமிக்கும் துணை முதல்வர் பன்னீர் செல்வத்திற்கும் இடையே கடுமையான போட்டி நிலவுவதாக அரசியல் வட்டாரத்தில் பரபரப்பாக பேசப்படுகிறது.
இதைத் தொடர்ந்து அதிமுகவின் முதல்வர் வேட்பாளர் குறித்த கேள்விக்கு பதிலளித்த அமைச்சர் ஓ.எஸ்.மணியன் அதிமுகவில் போரும் இல்லை வாரும் இல்லை என பதிலளித்தார். இதேபோல முதல்வரும் துணை முதல்வரும் ஒற்றுமையாக இருந்து தேர்தலை சந்திப்பார்கள் என்றும் மீண்டும் அதிமுக ஆட்சி அமையும் என்றும் விழுப்புரத்தில் அமைச்சர் சி.வி.சண்முகம் பேட்டியளித்தார்.
