சசிகலா மருத்துவமனையில் அனுமதிக்கப்பட்ட தனது கணவனை சந்திக்க 5 நாட்கள் பரோலில் வெளியே வந்து இன்று மீண்டும் சிறைக்கு சென்றார்.
சொத்துக் குவிப்பு வழக்கில் தண்டனை பெற்று பெங்களூரு சிறையில் இருந்த வந்த சசிகலா, மருத்துவமனையில் அனுமதிக்கப்பட்டுள்ள தனது கணவரை சந்திக்க 5 நாட்கள் பரோலில் வெளியே வந்தார். இந்த மாதம் 6 ஆம் தேதி சசிகலா சிறையிலிருந்து பரோலில் வெளியே வந்தார். கல்லீரல் மற்றும் கிட்னி செயலிழந்ததை அடுத்து, உறுப்பு மாற்று அறுவைசிகிச்சை செய்யப்பட்ட தனது கணவன் நடராசனை மருத்துவமனையில் தினமும் சந்தித்து வந்தார். பின்னர் இன்றுடன் பரோல் காலம் முடிவடைந்ததால், சென்னையிலிருந்து கார் மூலம் பெங்களூரு சென்று, பரப்பன அக்ரஹார சிறைக்கு சசிகலா மீண்டும் திரும்பினார்.
காரில் பெங்களூரு சிறைக்கு திரும்பும் சசிகலாவை வழி அனுப்ப அதிமுக எம்எல்ஏக்கள் மற்றும் தொண்டர்கள் குவிந்திருந்தனர். தங்க.தமிழ்ச்செல்வன், வெற்றிவேல், கதிர்காமு, செந்தில் பாலாஜி உள்ளிட்டோர் சசிகலாவை வழி அனுப்ப வந்திருந்தனர்.
