ஆண்டுதோறும், தீபாவளி , பொங்கல், ஜனவரி 1 ஆகிய நாட்களில் ரசிகர்கள் நடிகர் ரஜினிகாந்தின் இல்லத்தின் முன் குவிந்து அவருக்கு வாழ்த்து தெரிவிப்பது வழக்கமான ஒன்று.
இதேபோல, இந்த ஆண்டும் தீபாவளி திருநாளான இன்றும், சென்னை போயஸ்கார்டனின் அமைந்துள்ள நடிகர் ரஜினியின் வீட்டின் முன்பு இன்று காலை முதலே, ஏராளமான ரசிகர்கள் வாழ்த்து தெரிவிப்பதற்காக ஒன்றுக்கூடினர். இந்தவகையில், ரஜினியின் வீட்டுக்கு முன்னால் போடப்பட்டுள்ள தடுப்புகளுக்கு முன்னால் நின்று ரஜினி தனது ரசிகர்களுக்கு தீபாவளி வாழ்த்து தெரிவித்தார்.
ரஜினியை கண்ட ரசிகர்கள் மகிழ்ச்சி வெள்ளத்தில் தலைவா தலைவா என்று உணர்ச்சி பெருக்கில் கூச்சலிட்டனர்.. இதனை கண்ட ரஜினி கைகளை அசைத்து ரசிகர்களுக்கு வாழ்த்து தெரிவித்தார்.
இதனையடுத்து, செய்தியாளர்களை சந்தித்த ரஜினிகாந்த் தீபாவளி வாழ்த்துக்களையும் தெரிவித்தார்..
அதில், “ அனைவருக்கும் எனது தீபாவளி நல்வாழ்த்துக்கள். மக்கள் அனைவரும் மகிழ்ச்சியாக, சந்தோஷமா, ஆரோக்கியமாக தீபாவளியை கொண்டாட வேண்டும். விஜய் மாநாட்டில் நிச்சயமாக மிகப்பெரிய வெற்றியை அடைந்துள்ளார். அவருக்கு என்னுடைய வாழ்த்துக்கள்.” என்று தெரிவித்துள்ளார்.
