தீபாவளி பண்டிகையொட்டி தமது ரசிகர்களுக்கு நடிகர் ரஜினிகாந்த் வாழ்த்து தெரிவித்துள்ளார்.
தமிழகம் முழுவதும் தீப ஒளித்திருநாளை மக்கள் உற்சாகத்துடன் கொண்டாடி வருகின்றனர். அதிகாலையில் எழுந்து எண்ணெய்க் குளியலை முடித்து, புத்தாடை அணிந்து மகிழ்ச்சியுடன் தீபாவளி கொண்டாடுகின்றனர். காலை நேரத்திலேயே பலர் கோயிலுக்குச் சென்று வழிபட்டனர். பலகாரம் உள்ளிட்ட திண்பண்டங்களை அக்கம்பக்கத்தினருடன் பறிமாறிக் கொள்கின்றனர். இந்நிலையில் தீபாவளி பண்டிகையொட்டி தமது ரசிகர்களுக்கு நடிகர் ரஜினிகாந்த் வாழ்த்து தெரிவித்துள்ளார்.
சென்னை போயஸ்கார்டனில் உள்ள ரஜினியின் வீட்டின்முன் ஏராளமான ரசிகர்கள் கூடி இருந்தனர். அப்போது வீட்டுமுன் காத்திருந்த ரசிகர்களை நேரில் வந்து சந்தித்து தமது தீபாவளி வாழ்த்துகளை ரஜினிகாந்த் பகிர்ந்து கொண்டார். இதனால் உற்சாகமடைந்த ரசிகர்கள் ரஜினிக்கும் தங்களின் தீபாவளி வாழ்த்துகளை தெரிவித்துக் கொண்டனர்.
