புத்தாண்டு கொண்டாட்டத்தின்போது சென்னையின் பல்வேறு பகுதிகளில் ஏற்பட்ட விபத்தில் 7 பேர் உயிரிழந்தனர். 50க்கும் மேற்பட்டோர் காயமடைந்துள்ளனர்.
புத்தாண்டையொட்டி, சென்னை மெரினா மற்றும் பெசன்ட்நகர் கடற்கரை உள்ளிட்ட பகுதிகளில் நள்ளிரவில் திரண்டிருந்தவர்கள் புத்தாண்டை உற்சாகமாக வரவேற்று தங்களது மகிழ்ச்சியை வெளிப்படுத்தினர்.
இதனிடையே, சென்னையில் புத்தாண்டு கொண்டாட்டத்தின்போது நடந்த பல்வேறு விபத்துகளில் 7 பேர் பலியாகியுள்ளனர். 50-க்கும் மேற்பட் டோர் காயமடைந்துள்ளனர். அவர்கள் ராஜிவ்காந்தி அரசு மருத்துவமனை, ராயப்பேட்டை உள்ளிட்ட மருத்துவமனைகளில் அனுமதிக்கப்பட்டுள்ளனர். படுகாயமடைந்தவர்களுக்கு சிகிச்சை அளிக்கப்பட்டு வருகின்றன.
