நடிகர் விஜய் நடத்தும் மாநாட்டில் கலந்து கொள்வதற்காக சென்னையில் இருசக்கர வாகனத்தில் சென்றபோது மணல் லாரி மீது மோதியதில் வாலிபர் ஒருவர் சம்பவ இடத்திலேயே உயிரிழந்து உள்ளார். மற்றொருவர் ஆபத்தான நிலையில் மருத்துவமனையில் அனுமதிக்கப்பட்டுள்ளார்.
நடிகர் விஜய் தொடங்கியுள்ள கட்சியின் மாநாடு இன்று விழுப்புரம் மாவட்டத்தில் நடைபெறுகிறது. இது கலந்து கொள்வதற்காக சென்னை பெரிய மேட்டில் இருந்து இரண்டு இளைஞர்கள் இருசக்கர வாகனத்தில் புறப்பட்டுள்ளனர். அண்ணா சாலை வழியாக சென்று கொண்டிருந்த போது, சென்னை தேனாம்பேட்டை டி எம்எஸ் மெட்ரோ ரயில் நிறுத்தம் அருகே உள்ள சந்திப்பில், மணல் லாரி ஒன்று வலது புறமாக திரும்பி உள்ளது.
வாலிபர்கள் ஒட்டி வந்த இருசக்கர வாகனம் மணல் லாரி மீது மோதி நிலை தடுமாறி கீழே விழுந்து உள்ளனர். அப்போது மணல் லாரி இவர்கள் மீது ஏறி இறங்கியுள்ளது. இதில் ஒருவர் சம்பவ இடத்திலேயே உயிரிழந்து உள்ளார், மற்றொருவர் மிகவும் ஆபத்தான நிலையில் ராயப்பேட்டை அரசு மருத்துவமனையில் அனுமதிக்கப்பட்டுள்ளார்.
காலை 6:50 மணி அளவில் அண்ணா சாலையில் உள்ள சிக்னல்கள் வேலை செய்யாமல் ஆரஞ்சு நிறத்திலேயே ஒளிந்து கொண்டிருந்ததால், ஓஎஸ் ஓட்டம் நோக்கி வந்த மணலாரியும் வலது புறமாக திரும்பிய நிலையில், விழுப்புரம் நோக்கி சென்ற வாலிபர்கள் வாகனமும் அதிவேகமாக வந்ததால் இந்த விபத்து நேரிட்டுள்ளதாக அருகில் இருந்தவர்கள் தெரிவிக்கின்றனர்.
