செய்தியாளர்: டேவிட்
தென்காசி மாவட்டம் சங்கரன்கோவில் அடுத்துள்ள சேர்ந்தமரம் கிராமத்தைச் சேர்ந்த காமராஜ் என்பவரது மகன் பிரபு (23). இவர், திண்டுக்கல்லில் உள்ள மருத்துவக் கல்லூரியில் மூன்றாம் ஆண்டு படித்து வந்தார். இந்நிலையில், நேற்று முன்தினம் அவரது சொந்த ஊரான சேர்ந்தமரத்திற்கு வந்த அவர், சோர்வாக காணப்பட்ட நிலையில், வீட்டில் யாரும் இல்லாத நேரத்தில் தற்கொலை செய்து கொண்டார்.
இதையடுத்து தகவல் அறிந்து சம்பவ இடத்திற்குச் சென்ற காவல் துறையினர், பிரபுவின் உடலை மீட்டு பிரேத பரிசோதனைக்காக கடையநல்லூர் அரசு மருத்துவமனைக்கு அனுப்பி வைத்தனர். இதைத் தொடர்ந்து சேர்ந்தமரம் காவல் துறையினர், தற்கொலைக்கான காரணங்கள் குறித்து விசாரணை மேற்கொண்டு வருகின்றனர். இந்த சம்பவம் அந்த பகுதியில் பெரும் சோகத்தை ஏற்படுத்தியுள்ளது.
தற்கொலை எதற்கும் தீர்வல்ல. மன அழுத்தம் ஏற்பட்டாலோ, தற்கொலை எண்ணம் வந்தாலோ, அதில் இருந்து விடுபடுவதற்கு தமிழக சுகாதார சேவை உதவி மையம் - 104, சினேகா தற்கொலை தடுப்பு உதவி மையம் - 044-24640050 ஆகிய எண்களை அழைக்கலாம்.
