அரசு ஊழியர்கள், ஆசிரியர்களுக்கான ஏழாவது ஊதியக் குழுவின் பரிந்துரைகள் தொடர்பான இறுதி அறிக்கை முதலமைச்சர் எடப்பாடி பழனிசாமியிடம் வழங்கப்பட்டுள்ளது.
தலைமைச் செயலகத்தில் நடைபெற்ற நிகழ்ச்சியில் அறிக்கையை நிதித்துறை செயலாளர் சண்முகம், முதலமைச்சரிடம் வழங்கினார். கடந்த 16ஆம் தேதி அரசு ஊழியர்கள், ஆசிரியர்கள் சங்கங்களிடம் கருத்து கேட்கப்பட்ட பிறகு அறிக்கை இறுதி செய்யப்பட்டது. அதற்கு முன்னதாக மே 26, 27ஆம் தேதிகளில் அங்கீகரிக்கப்பட்ட சங்கங்களிடமும், ஜூன் 2, 3 ஆம் தேதிகளில் அங்கீகரிக்கப்படாத சங்கங்களிடமும் கருத்து கேட்கப்பட்டது. நிகழ்ச்சியில் துணை முதலமைச்சரும் நிதி அமைச்சருமான ஓ.பன்னீர்செல்வம், தலைமைச் செயலாளர் கிரிஜா வைத்யநாதன் மற்றும் நிதித்துறை அதிகாரிகள் பங்கேற்றனர்.
